پی ٹی ایم رہنما محسن داوڑ شمالی وزیرستان سے گرفتار

میرانشاہ : رکن اسمبلی محسن داوڑ کو شمالی وزیرستان سے سیکیورٹی فورسز نے گرفتار کرلیا۔

ذرائع کے مطابق پشتون تحفظ موومنٹ کے مفرور رہنماء محسن داوڑ کو شمالی وزیرستان میں سیکیورٹی فورسز نے کارروائی کے دوران گرفتار کیا، محسن داوڑ لوگوں کو مشتعل کرکے چیک پوسٹ پرحملے کرنے اور اشتعال انگیز تقاریر کرنے میں ملوث ہے۔

واضح رہے کہ 26 مئی کو رکن قومی اسمبلی محسن داوڑ نے اپنے ساتھیوں سمیت مبینہ طور پر شمالی وزیرستان کے بویا سیکیورٹی چیک پوسٹ پر حملہ کیا تھا جس کا مقصد ایک روز قبل حراست میں لیے گئے مشتبہ دہشت گردوں کو رہائی دلانا تھا۔

حملے کے نتیجے میں 5 اہلکار زخمی ہو گئے تھے ،جن میں سے ایک جوان گزشتہ روز زخموں کی تاب نہ لاتے ہوئے شہید ہوگیا تھاجبکہ جوابی کارروائی میں 3 حملہ آور بھی مارے گئے۔

پاک فوج کے شعبہ تعلقات عامہ کے مطابق علی وزیر کو 8 ساتھیوں سمیت حراست میں لے لیا گیا تھا جبکہ محسن داوڑ ہجوم کو مشتعل کرنے کے بعد فرار ہوگیا تھا۔تاہم پشتون تحفظ موومنٹ (پی ٹی ایم) کے علی وزیر 8 روز کے لیے محکمہ انسداد دہشت گردی( سی ٹی ڈی) کی زیرحراست میں ہے۔

Junior - Taleem Aam Karaingay - Juniors ko Parhaingay