برطانیہ میں کورونا مریضوں کی تعداد میں کمی، ایمرجنسی اسپتال بند کرنے کا فیصلہ

لندن: برطانیہ میں کورونا وائرس کے مریضوں میں کمی آنے کے بعد لندن کے ایمرجنسی اسپتال کو بند کرنے کا فیصلہ کیا گیا ہے۔

تفصیلات کے مطابق برطانیہ میں کورونا وائرس کے مریضوں میں اچانک اضافے کو مدنظر رکھتے ہوئے لندن میں ایک ہنگامی اسپتال بنایا گیا تھا۔

ایمرجنسی اسپتال ایک ہفتے کی قلیل مدت میں بنایا گیا جو کہ 4 ہزار بیڈز پر مشتمل تھا، اسپتال میں کورونا مریضوں کے لیے طبی سہولیات مہیا کی گئی تھیں۔

کورونا مریضوں کی تعداد میں مسلسل کمی کو دیکھتے ہوئے ایمرجنسی اسپتال کو بند کرنے کا فیصلہ کیا گیا ہے تاہم دوسری لہر آنے کی صورت میں اسپتال دوبارہ کھول دیا جائے گا۔

این ایچ ایس کے تازہ اعداد و شمار کے مطابق لندن سے زیادہ مریض شمالی برطانیہ میں ہیں، لندن کے اسپتالوں میں کرونا کے 2023 مریض ہیں۔

حکام کا اندازہ تھا کہ لندن میں ساڑھے سات ہزار آئی سی یو درکار ہوں گے اور اس کے لیے ہزاروں افراد پر مشتمل طبی عملے کی ڈیوٹیاں لگائی گئیں تھیں۔

واضح رہے کہ چند روز قبل برطانوی وزیر اعظم بورس جانسن نے کہا تھا کہ کورونا وبا کا زور ٹوٹ چکا ہے اور مریضوں کی تعداد میں اب کمی آنا شروع ہوگئی ہے۔

Junior - Taleem Aam Karaingay - Juniors ko Parhaingay