ادارہ شماریات نےماہانہ مہنگائی کی رپورٹ جاری

اسلام آباد:ادارہ شماریات نےماہانہ مہنگائی کی رپورٹ جاری کردی ۔

ادارہ شماریات کی مہنگائی پر جاری کردہ ماہانہ رپورٹ کے مطابق جون کے مقابلے میں 2 اعشاریہ 5 صفر فیصد اضافے کے بعد جولائی میں مہنگائی 9 اعشاریہ 3 فیصد تک پہنچ گئی ہے،جولائی میں ٹماٹر 179 فیصد، سبزیاں 23 اعشاریہ 8 فیصد، گندم 7 اعشاریہ 4 فیصد، چینی 3 اعشاریہ 8 فیصد مہنگی ہوئی ہے۔

جولائی میں ماہانہ بنیاد پر شہری علاقوں میں ٹماٹر 179 فیصد، موٹر فیول 27 فیصد، سبزیاں 23 اعشاریہ 8 فیصد اور پیاز 16 اعشاریہ 6 فیصد مہنگے ہوئے ہیں۔

اسی طرح جون کے مقابلے میں جولائی میں انڈے 10 اعشاریہ 8 فیصد، مصالحہ جات 7 اعشاریہ 5 فیصد، گندم 7 اعشاریہ 4 فیصد اور آلو 4 اعشاریہ 5 فیصد مہنگے ہوئے جبکہ گوشت 3 اعشاریہ 9 فیصد، چینی 3 اعشاریہ 8 فیصد مہنگی ہوئی۔

ادارہ شماریات کے مطابق جولائی میں سالانہ بنیاد پر شہری علاقوں میں ٹماٹر ایک سو فیصد مہنگا ہوا، آلو 63 فیصد، دال مونگ 46 اعشاریہ 25 فیصد، انڈے 43 اعشاریہ 11 فیصد اور مرغی 36 اعشاریہ 69 فیصد مہنگی ہوئی۔

جولائی 2019ء کے مقابلے میں جولائی 2020ء میں شہری علاقوں میں چینی 17 فیصد، گندم 28 اعشاریہ 52 فیصد اور آٹا 18 اعشاریہ 52 فیصد مہنگا ہوا ہے۔

Junior - Taleem Aam Karaingay - Juniors ko Parhaingay