گوگل کا اپنے سرچ انجن ،یوٹیوب پر موسمیاتی تبدیلی بارے غلط معلومات کے ساتھ اشتہار شائع نہ کرنے کا اعلان

:انٹرنیٹ سرچ انجن گوگل نے کہا ہے کہ وہ اپنے سرچ انجن یا عالمی وڈیو شیئرنگ پلیٹ فارم یوٹیوب پر موسمیاتی تبدیلی بارے غلط معلومات کے حامل مواد کے ساتھ اشتہار شائع نہیں کرے گا۔

فرانسیسی خبر رساں ادارے کے مطابق گوگل نے مشتہرین ، پبلیشرز اور یوٹیوب تخلیق کاروں کے لیے نئی پالیسی کا اعلان کیا ہے جس کے تحت وہ ان پلیٹ فارمز کے ذریعے لوگوں کو آب و ہوا کی تبدیلی کے وجود اور وجوہات بارے سائنسی اتفاق رائے سے متضاد مواد شیئر نہیں کر سکیں گے اور نہ ہی ای مواد سے پیسہ کما سکیں گے۔

گوگل نے کہا ہے کہ پالیسی میں تبدیلی پائیدار طریقوں کو فروغ دینے اور موسمیاتی تبدیلیوں کا مقابلہ کرنے کے لیے کمپنی کی کوششوں سے مطابقت رکھتی ہے۔

این جی او آواز مہم کے ڈائریکٹر فادی قران نے کہا کہ موسمیاتی تبدیل بارے غلط معلومات فراہم کرنے والوں نے رائے عامہ کو الجھا دیا ہےاور یوٹیوب ان کے پسندیدہ پلیٹ فارمز میں سے ایک رہا ہے۔ انہوں نے دوسرے آن لائن پلیٹ فارمز پر بھی زور دیا کہ وہ گوگل کے طریقہ کار پر عمل کریں ۔

Junior - Taleem Aam Karaingay - Juniors ko Parhaingay